Hérasprettir koma víða við. Í bókinni er sagt frá sérkennilegum uppákomum og ógleymanlegum tilsvörum. Hér birtist fjöldi vísna og kvæða af léttara taginu.

Þráinn Jónsson selur fæðubótarefni, Ólafur á Birnufelli borðar sardínur, meðhjálparinn í Áskirkju byrjar á öfugum enda, Spila-Bjarni tekur slag við sjálfan sig, Páll á Hallormsstað sinnir veðurathugunum, Ari Jónsson læknir afgreiðir augnvottorð, Jói Þrándur finnur stað fyrir kóngulærnar, Einar á Fljótsbakka blindast af sólinni, Bensi í Merki drepur í sér náttúruna, Fellamenn veiða steinbít í Lagarfljóti, Páll Sófi listar sig upp á beinum og Pétur á Egilsstöðum
lýsir ótrúlegri veðurblíðu á Héraðinu.

Hákon Aðalsteinsson leysir vandamál tengd skattframtalinu með því að yrkja kvæði, Jónas á Heimaseli áformar að grípa til óvenjulegra aðgerða gagnvart draug sem drap fyrir honum hrút, Vilhjálmur á Skjöldólfsstöðum slær af og ekur varlega – eða þannig, Runólfur á Hafrafelli fer í Ekkjufell til að hjálpa til við að bjarga kvígu og Frissi í Skóghlíð lendir í
ótrúlega svartri þoku.

Er þá fátt eitt talið af því sem hér ber á góma.