Við notum heilann á hverjum degi til alls konar (misgáfulegra) hluta, hann vinnur úr öllu sem við upplifum og finnum fyrir og er raunar svo öflugur og ótrúlegur að við vitum ekki næstum því allt um hann.

Í Vísindabók Villa – Skynjun og skynvillur er fjallað um heilann og hvernig hann getur „svindlað“ á eiganda sínum, látið okkur sjá hluti sem eru ekki til staðar eða sjá þá öðru vísi en þeir eru í raun.

Að vanda útskýrir Villi heillandi heim vísindanna á frumlegan og lifandi hátt. Bókin geymir auk þess einfaldar, fræðandi og fyndnar tilraunir sem er gaman að gera með fjölskyldu og vinum – og sem dýpka í leiðinni skilning okkar á heilanum.