Prjónabúð Georgiu Walker á Manhattan er ekki bara miðdepill lífs hennar og tólf ára dótturinnar Dakotu, hún er líka athvarf kvenna sem hittast þar til að prjóna, tala, hlæja og gráta saman. Klár hönnuður á framabraut, öldruð ekkja, ung femínísk menntakona, kjaftfor atvinnulaus ritstjóri, verðandi einstæð móðir á fimmtugsaldri …

Þær eiga ekkert sameiginlegt nema prjónaskapinn – en þær eiga hver aðra að þegar á reynir. Þegar andlit úr fortíð Georgiu birtast trufla þau tilveru hennar svo um munar. Prjónaklúbburinn er heillandi bók um vináttu, ást, fjölskyldu og prjónaskap.

Kate Jacobs er kanadískur rithöfundur og ritstjóri, búsett í Kaliforníu. Prjónaklúbburinn, fyrsta skáldsaga hennar, sló rækilega í gegn og komst í efsta sæti metsölulista New York Times.