Mundos nuevos 1 er kennsluefni í spænsku fyrir fyrstu tvo áfanga framhaldsskólanna. Námsefnið samanstendur af lesbók, hlustunarefni á geisladiski og vinnubók. Einnig er boðið upp á sérstakt hlustunarefni fyrir kennara og ítarlegar kennsluleiðbeiningar á kennarasíðu.

Í lesbókinni er að finna texta af ýmsu tagi sem veita innsýn í hinn spænskumælandi heim. Bókinni er skipt upp í 39 leskafla með orðskýringum á spássíum. Auk texta á spænsku um margvísleg efni eru í lesköflunum textar á íslensku um ýmsa þætti í menningu spænskumælandi þjóða. Þá er í bókinni einnig að finna texta sem sóttir eru nokkurn veginn óbreyttir á Netið og í prentaðar heimildir svo að nemendur geti þjálfað sig í að lesa texta beint úr spænskum veruleika.

Lesbókinni fylgir geisladiskur með upplestri á textunum í bókinni.

Kennsluleiðbeiningar má finna á kennarasvæði Forlagsins. Aðgangur að því er bundinn við lykilorð sem má nálgast með því að senda póst á netfangið forlagid@forlagid.is.