Bæta á óskalistaEr á óskalista
Bæta á óskalista
Baróninn
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2004 | 309 | 2.065 kr. | ||
| Kilja | 2005 | 309 | 990 kr. | ||
| Rafbók | 2016 | 990 kr. |
| Gerð | Útgáfuár | Síður | Verð | Magn | |
|---|---|---|---|---|---|
| Innbundin | 2004 | 309 | 2.065 kr. | ||
| Kilja | 2005 | 309 | 990 kr. | ||
| Rafbók | 2016 | 990 kr. |
Um bókina
Árið 1898 kom til Íslands franskur aðalsmaður: barón Charles Gauldrée Boilleau, stórættaður heimsborgari og hámenntaður listamaður. Hann vonaðist til að finna sjálfan sig í íslenskri sveit, órafjarri umbrotum heimsmenningarinnar. Fyrr en varði hafði hann keypt sér kostajörðina Hvítárvelli í Borgarfirði og hafði þar búskap; götuheitið Barónsstígur í Reykjavík vitnar um að þar kom hann einnig við.
Stórbrotnar hugmyndir hans féllu ekki allar í frjóan jarðveg og brátt varð ljóst að háleitir draumar hans og íslenskur veruleiki áttu illa saman – nútíminn var ekki kominn til Íslands.
Hver var þessi maður og hvað gekk honum til? Baróninn er söguleg skáldsaga í sérflokki, áhrifamikil og margbrotin heimildaskáldsaga um baróninn á Hvítárvöllum eins og Íslendingar hafa jafnan kallað þennan dularfulla mann.
2 umsagnir um Baróninn
Bjarni Guðmarsson –
„Baróninn er frábærlega vel skrifuð bók og söguleg skáldsaga eins og þær gerast bestar. En hún er fleira en skáldsaga. Að minnsta kosti situr lesandinn eftir með þá tilfinningu að hann skilji ýmsa hluti betur eftir að hann er búinn að ljúka sögunni um Hvítárvallabaróninn.“
Jón Ólafsson/Morgunblaðið
Bjarni Guðmarsson –
„Það er óhætt að fullyrða að fáir verði sviknir af því að lesa Baróninn og upplifa þær tvíbendu tilfinningar sem kvikna við lesturinn. Því þótt sagan sé harmræn kemst maður ekki hjá því að hrífast og gleðjast yfir þessari sagnfræði Þórarins Eldjárns, blandinni dásamlegri lygi.“
Hjalti Snær Ægisson/skyjaborgir.blogspot.com