Lík ungrar stúlku finnst á leiði Jóns Sigurðssonar skömmu eftir hátíðahöldin 17. júní. Enginn veit hver hún er, hvaðan hún kom eða hvers vegna hún var myrt. Og því síður af hverju hún var lögð á leiði sjálfstæðishetju Íslendinga.

Við rannsókn málsins kemur í ljós að dauði stúlkunnar er angi af enn stærra máli sem snertir alla þjóðina og gæti áður en yfir lýkur valdið einhverjum mestu þjóðfélagsbreytingum sem orðið hafa í Íslandssögunni.

Sögur Arnaldar Indriðasonar njóta einstæðra vinsælda meðal unnenda spennusagna, enda kann hann þá list að skrifa þannig að lesandinn sleppir ekki bókinni fyrr en sagan er öll. Dauðarósir er önnur bók höfundar og kom upphaflega út 1998.

Bækurnar um Erlend Sveinsson rannsóknarlögreglumann eru hér tölusettar eftir innri tímaröð sögunnar, Einvígið: Erlendur #1 gerist árið 1972 en Furðustrandir: Erlendur #14 2005. Útgáfuár bókanna eru innan sviga.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 7 klukkustundir og 49 mínútur að lengd. Stefán Jónsson les.