Sögur og ljóð Ástu Sigurðardóttur komu fyrst út árið 1985. Þetta er safn allra smásagna sem vitað er til að Ásta hafi að fullu lokið við auk úrvals ljóða hennar. Safnið hefur verið ófáanlegt um langt skeið en kemur í dag út í kilju. Í bókinni eru þekktar sögur á borð við „Sunnudagskvöld til mánudagsmorguns“, „Gatan í rigningu“ og „Í hvaða vagni“. Sögurnar eru enn ferskar og ögrandi eins og þær voru þegar þær komu fyrst út snemma á sjötta áratugnum. Þær voru gríðarlega mikilvægar fyrir þróun íslenskrar sagnagerðar í átt að módernisma og ekki síður fyrir aukinn hlut kvenna í rithöfundastétt, enda Ásta „pennafærasta kona á Íslandi“ eins og sagði í ritdómi árið 1962. Sem sagt; sannkölluð klassík. Bókin er skreytt dúkristum eftir Ástu sjálfa.

ATH. Spurt og svarað um rafbækur.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er um 6 klukkustundir og 41 mínúta að lengd. Elín Gunnarsdóttir les.