Fyrsti skólavetur Nonna og Selmu er á enda og sumarið blasir við. Það var fjör hjá þeim í fyrsta bekk en það verður enn meira fjör í fríinu. Þau ætla að gera allt sem stórir skólakrakkar taka sér fyrir hendur á sumrin: Byggja kofa og kassabíl, gera dálítið af prakkarastrikum og lenda í eins mörgum ævintýrum og þau mögulega geta.

Nonni og Selma – Fjör í fríinu er sjálfstætt framhald fyrstu bókarinnar um þessa skemmtilegu vini sem láta ekkert aftra sér frá því að njóta lífsins. Brynhildur Þórarinsdóttir hefur sent frá sér fjölmargar vinsælar barnabækur og hlaut Norrænu barnabókaverðlaunin fyrir endursögn sína á Íslendingasögunum fyrir börn.