Í þessari nýju og glæsilegu bók lesa börnin um jörðina, tunglið og reikistjörnurnar – sólkerfið, vetrarbrautina og alheiminn; ferðir manna út í geim og hugmyndir manna fyrr og nú um líf í geimnum. Bókina prýða ljósmyndir teknar með nýjustu tækni sem sýna fjölbreytileika alheimsins í allri sinni dýrð. Skýr myndræn framsetning gerir flókið viðfangsefni aðgengilegt fyrir börn á aldrinum 7-14 ára og spurningar og verkefni gera hana í senn fróðlega og skemmtilega!

Himingeimurinn er fimmta bókin í röð fræðslubóka fyrir börn sem notið hefur mikilla vinsælda. Fyrri bækurnar eru Atlas barnanna, Dýraríkið, Mannslíkaminn og Risaeðlur. Eins og fyrri bækurnar mun Himingeimurinn án efa vekja mikla lukku meðal forvitinna barna. Hvað er þarna úti í öllu þessu myrkri?

Snorri Hergill Kristjánsson þýddi.
Mál og menning gefur út.