Við þurfum einlægt að rýna í viðbrögð okkar líðan og hegðun. Alla ævina þurfum við að aðgæta og vinna úr tilfinningum okkar, styrkja sjálfsöryggið og sjálfsmyndina. Heiðarleiki gagnvart okkur sjálfum er lykilatriði í því hversu langt við komumst í aukinni sjálfsvirðingu og þroska. Einstaklingur með gott sjálfstraust finnur sátt við sjálfan sig og aðra.

Baujan kennir auðveldar og varanlegar aðferðir til að fara úr meðvirkni og öðlast innra öryggi og efla sjálfstraust. Baujan er tækni sem stuðlar að virkri og vakandi sjálfsvitund sem er forsenda aðgerða og breytinga á líðan. Um leið skerpir hún og eflir tilfinningagreind.

Bókin kom fyrst út árið 2006 en hefur nú verið endurskrifuð og stílfærð.

Guðbjörg Thóroddsen er menntaður leikari og kennari. Ásamt leiklist og kennslu hefur hún starfað sem ráðgjafi í fjölda ára.