Lífið á Barrey gengur sinn vanagang hjá Ingrid og öðrum eyjarskeggjum en dag einn eignast Kaja dóttir hennar leikfélaga þegar Matthías litli kemur til eyjarinnar. Stuttu síðar hverfur faðir hans á dularfullan hátt og Ingrid tekur drenginn að sér þar sem móðurfólkið hans vill ekkert af honum vita.

Bara móðir gerist á eftirstríðsárunum í Noregi. Skuggi stríðsins er enn merkjanlegur þar sem sumir keppast við að gleyma öllu en aðrir geta það hvorki né vilja.

Þetta er fjórða bókin í sagnaflokknum um Ingrid Barrey og fólkið hennar. Fyrir þá fyrstu, Hin ósýnilegu, hlaut Roy Jacobsen tilnefningu til hinna virtu Man Booker-bókmenntaverðlauna, fyrstur norskra rithöfunda. Hann hefur jafnframt verið tilnefndur til Bókmenntaverðlauna Norðurlandaráðs í tvígang.

Jón St. Kristjánsson þýddi. Fyrir þýðingu sína á Hin ósýnilegu hlaut hann Íslensku þýðingarverðlaunin árið 2020.

ATH. Hljóðbókin er afhent rafrænt og hægt er að hlusta á hana beint í gegnum app Forlagsins eða vafra. Hér má lesa meira um hljóðbækur fyrir appið.

Hljóðbókin er 7 klukkustundir og 3 mínútur að lengd. Berglind Jónsdóttir les.