Eva og systur hennar geta ekki leynt ánægju sinni. Þær mega loks eignast kettling og allir eru sammála um að hinn hugrakki og ævintýragjarni Tígur sé einmitt sá rétti fyrir þær.

En um leið og Tígur er kominn inn á heimilið fer hann að valda þeim áhyggjum með uppátækjum sínum. Einn daginn hverfur Tígur svo að heiman. Eva er alveg viss um að hann sé búinn að koma sér í vandræði og hún verði að koma honum til hjálpar sem fyrst – en til þess þarf hún að vera næstum því jafnhugrökk og Tígur.