Sögur úr Síðunni eru tengdar sögur sem allar gerast í einni og sömu sveitinni á áratugunum um og eftir seinni heimsstyrjöld. Við kynnumst fjölda eftirminnilegra persóna, bændum og búaliði, brúarvinnukörlum og gestkomandi fólki, sem lýst er af leiftrandi kímni og svo miklu næmi að lesanda finnst hann nauðaþekkja þetta fólk. Hér segir frá kátlegum atburðum sem brjóta upp hversdagslega hringrás sveitastarfanna, veislum og mannfögnuðum, tækninýjungum, svaðilförum og hetjulund, en Síðumönnum tekst jafnan að gera gott úr öllu þótt útlitið sé stundum tvísýnt og menn greini á um markmið og leiðir.

Kom fyrst út 2007 og hlaut frábærar viðtökur en hefur lengi verið ófáanleg.