Það er mikilvægt að öll ungmenni fái tækifæri til að kynnast jákvæðri líkamsímynd og læra að þau séu nóg og líkami þeirra líka.

Bókin hjálpar börnum og umsjónaraðilum að læra inn á sjálfsmyndina og líkamsmyndina, þekkja helstu hugtökin og efla sjálfstraustið með fræðandi og skemmtilegum hætti þar sem karakter bókarinnar leiðir ykkur í gegnum allt það mikilvæga í tengslum við virðingu gagnvart okkur og einstaka líkamanum okkar.

Erna Kristín er fædd árið 1991. Hún er móðir, eiginkona og guðfræðingur. Síðustu ár hefur hún byggt upp sinn eigin miðil sem hún kallar Ernuland.

Hún hefur tileinkað sér það að nota miðilinn til góðra verka og er jákvæð líkamsímynd eitt þeirra. Áherslan er lögð á að hjálpa öðrum að komast skrefinu nær því að ná sáttum við líkama sinn, bera virðingu fyrir honum og elska hann. Elska hann eins og hann er núna og í gegnum allar breytingar sem kunna að verða í gegnum lífið.