Manngerð eiturefni af ýmsu tagi eru orðin hluti af daglegu lífi okkar. Stundum vitum við af þeim en oftar eru þau ósýnileg í vörum sem við höldum að séu skaðlausar. Og þau eru úti um allt; í matvælum, drykkjarvatni, leikföngum, húsgögnum, snyrtivörum og fatnaði, svo eitthvað sé nefnt.

Í þessari stórfróðlegu bók er farið yfir hvar þessi efni er að finna, hvaða áhrif þau hafa á okkur og lífríkið almennt. Þá er einnig fjallað um þann mikla vanda sem taumlaus framleiðsla og notkun á plasti skapar.

Jóhanna Vilhjálmsdóttir hefur á undanförnum árum sökkt sér niður í fjölda rannsókna um þessi málefni. Hér veitir hún innsýn í heim þar sem öflug hagsmunaöfl takast á við óháða vísindamenn og samtök sem berjast gegn óhóflegri notkun eiturefna. Heilsubók Jóhönnu – Matur, lífsstíll, sjúkdómar vakti mikla athygli þegar hún kom út og sat á metsölulistum í margar vikur.

Ómissandi bók fyrir þig, fjölskyldu þína og lífið á jörðinni!