„Elvis er í hernum og Buddý í gröfinni.“ Þannig hefst sagan Draumar undir gaddavír eftir Elías Snæland Jónsson. Hér dunar rokkið þar sem Presley þenur röddina og kalda stríðið er í algleymingi. Um leið er slegið á viðkvæmari strengi þar sem ástin og dauðinn setja svip sinn á mannlífið.

Draumar undir gaddavír er listilega skrifuð saga. Harður veruleiki og ljúfir draumar endurspeglast í hraðri frásögninni ásamt heitum tilfinningum og djúpum sársauka.