(Þjóðar)sálin hans Jóns míns eftir Birki Blæ Ingólfsson fjallar um hugarheim og sjálfsmynd íslensku þjóðarinnar, sem höfundur telur tákngerast í þjóðsagna-persónunni konunni hans Jóns míns „sem gekk upp til himnaríkis með sál eiginmannsins í skjóðu til þess að svindla honum sálugum inn í Paradís.“

Bókin er sú fyrsta í nýjum bókaflokki Partusar sem nefnist Fræ.

Fræ er ritgerðaröð um samfélagið og samtímann; vettvangur til að miðla ólíkum sjónarhornum á heiminn. Fræin eru tilraunir til að greina, skilja eða skýra veruleikann – eða kannski þvert á móti gagnrýna hann og vekja upp óvæntar spurningar.