Í bókinni er að finna fimmtán sögur sem er ætlað að varpa ljósi á þróun íslenskra bókmennta í 150 ár. Elsta sagan er Grasaferð Jónasar Hallgrímssonar og sú yngsta Frá Snæfellsnesi eftir Gyrði Elíasson. Halla Kjartansdóttir valdi sögurnar og skrifar inngang. Enn fremur fylgir hún hverri sögu úr hlaði með stuttri umfjöllun um höfundinn og útbjó kennsluleiðbeiningar með safninu. Þær má nálgast á kennarasíðu Forlagsins.